Байгалийн гаралтай арьс арчилгааны 10 шилдэг найрлага

Шинжлэх ухаанаар батлагдсан, цэвэр байгалийн гаралтай арьс арчилгааны шилдэг 10 найрлага

Хүний арьс үргэлж нэг төрлийн байдагггүй. Улирал, хэрэглэж буй бүтээгдэхүүн, арчилгаа, орчин нөхцөл гэх мэт хүчин зүйлсээс хамаарч өөрчлөгдөж байдаг. Заримдаа тослог, эсвэл хуурай гэх мэт. Ихэвчлэн бид өөрсдийн арьсанд юу хэрэгтэйг ойлгохоо больж, эргэлзэх үед найрлагын талаар дэлгэрэнгүй мэдлэгтэй байх хэрэгтэй болдог. 

Хамгийн гол дүрэм бол байгалийн гаралтай гэж дурдсан л бол үнэхээр цэвэр 100% байгалийн орц, найрлагатай байх ёстой юм.

Ингээд шинжлэх ухаанаар батлагдсан, байгалийн гаралтай арьс арчилгааны хамгийн шилдэг 10 найрлагын талаар хүргэе. 

Hyaluronic acid /Гиалуроны хүчил/

Гиалуроны хүчил нь бидний биед байгалаас заяагдмал байдаг бөгөөд арьсны чийгийг хадгалахад маш сайн тусалдаг. Ялангуяа улирал солигдох үед арьс хуурайшилт ихээр явагддаг тул гиалуроны хүчилтэй найрлагыг сонгохыг зөвлөж байна. Тослог болон хуурай арьсанд аль алинд нь маш сайн үйлчилдэг.

Alpha-Hydroxy Acids (AHA) /Альфа-гидрокси хүчил/

Гликолийн хүчил болон сүүн хүчил нь нэгдэж AHА-ыг бий болгодог. Гликолийн хүчлийг чихрийн нишингээс гаргаж авсан бол сүүний хүчлийг сүүнээс гаргаж авдаг. 

Чихрийн нишингэ нь Азийн халуун орны уур амьсгалт дулаан нутгаас гаралтай, чихрээр баялаг ургамал бөгөөд 2-6 метр өндөртэй байдаг. Бразил улсад дэлхийн нийт чихрийн нишингийн гуравны нэг орчмыг тариалдаг. Арьс арчилгаанд чихрийн нишингэ нь арьсыг гуужуулж, өнгийг сэргээн толигор болгодог бол сүүн хүчил нь нянгийн эсрэг үйлчилгээ үзүүлдэг байна. Хамгийн эмзэг, мэдрэмтгий, батга гарамтгай арьсанд маш сайн тохирдог.

Ceramides /Керамидууд/

Арьсны бүтэц, хамгаалалтыг тоосго гэж төсөөлж болно. Тэдгээр гинжин холбоог ceramides гэдэг. Нас ахих тусам үүний хэмжээ багасч, хамгаалалт суларч нөсөө толбо үрчлээс бий болдог. Тиймээс энэхүү найрлагыг сонгон хэрэглэх үед арьсны чийгшил 100%-аар нэмэгддэг байна.

Retinol /Ретинол/

Энэхүү A амин дэм нь чөлөөт радикалаас арьсыг хамгаалах антиоксидант үйлчилгээг үзүүлэх бөгөөд үрчлээний эсрэг болон нарнаас хамгаалах үйлчилгээг маш сайн үзүүлдэг.

Argan oil /Арган тос/

Энэхүү ургамлын гаралтай тос нь дотроo Е амин дэм, ферулийн хүчил, каротиноид агуулсан байдаг. Антиоксидант, үрэвслийн эсрэг үйлчилгээг үзүүлдэг. 

Нарны хордлогыг арилгах, эмчлэх, арьсны эдгэрэлтийг дэмжих, арьсыг чийгшүүлэх үйлчилгээтэй.

• Е амин дэм - Арьсанд чийгшил, тэжээл өгч, тайвшруулах үйлчилгээ үзүүлдэг.
• Ферулийн хүчил - Хөгшрөлтийн эсрэг арьс арчилгааны бүтээгдэхүүнд голчлон хэрэглэгддэг ургамлын гаралтай антиоксидант юм. 
• Каротиноид - Нарны хэт ягаан туяа болон гаднын нөлөөллөөс хамгаалах мөн байгалийн гаралтай антиоксидант юм. 

Vitamin C /С амин дэм/

Маш түгээмэл байдаг найрлага. Энэ нь бидний мэдэх Аскорбины хүчил бөгөөд арьс арчилгаанд коллагены молекулыг тогтворжуулж, нэмэгдүүлэн, хөгшрөлтийн эсрэг үйлчилгээ үзүүлдэг.

Vitamin E /Е амин дэм/

E амин дэм 8 төрөл байдаг. Тэдгээрээс токоферил ацетат ба токоферол нь арьс арчилгааны бүтээгдэхүүнд ихэвчлэн байдаг. Энэ нь арьсыг чийгшүүлж, эдгээхэд тусалж, үрэвслийн эсрэг үйлчилгээ үзүүлдэг. Витамин С-тэй хослуулбал илүү сайн үр дүн үзүүлдэг.

Vitamin B3 /В3 амин дэм/

Витамин В3 буюу ниацинамид нь арьсны уян хатан чанарыг нэмэгдүүлж, үрчлээ болон нөсөө толбийг арилгах үйлчилгээтэй.

Green tea /Ногоон цайны ханд/

Ногоон цайнд витамин С агуулагддаг тул антиоксидант, үрэвслийн эсрэг үйлчилгээ үзүүлдэг. Арьсыг тайвшруулах үйлчилгээтэй.

Algae extracts /Замагны ханд/

Замагны ханд нь маш сайн чийгшүүлэх болон хөгшрөлтийн эсрэг, нөсөө толбыг арилгах үйлчилгээ үзүүлдэг. Мөн үрэвслийн эсрэг антиоксидант үйлчилгээтэй. Улаан, ногоон, хөх, хүрэн замаг нь арьсыг гэрэлтүүлэх витамин С-ийн агууламж өндөртэй байдаг.

Бидний бэлтгэсэн мэдээлэл танд тусалсан гэдэгт итгэлтэй байна. Ингээд дараагийн зөвлөгөө нийтлэлээрээ уулзацгаая.